FLYING HOPES

Sunday, June 04, 2006

BHASHA

“Tark aur vitark ki bhasha samzane ke liye aap jaroor apana dimag lagaiye,

magar sanvednaye samzane ke liye to ek achcha sa dil hi chahiye.”

“Bhasha nahi janane ka to aadami bas bahana banata hai,
bhasha janate hue bhi aadami ,aadami ko kam hi samaz pata hai.”

“Hamare shabd to abhivyakti ki ek koshish bhar hote hai,
num ankhe aur haatho ke sparsh hi asal me bolate hai.”

“Shabdkosh se shabd khoj kar, shabd piroye vaakya banaya,
koshish saari vyarth hi gayi,jo kahana tha kah naa paya.
Jab gyaani se puchcha maine,usane muzako ye samzaya,
Shabd to hote hai bas mithya, kaun,kise, kab samaz hai paaya?”

“Klisht aur alankrit bhasha ke shabdo se ahankaar ki bu si aati hai,
bhavo ki sahajta aur saralta kanhi pichche rah jati hai.”

“Koi bhi ho bhasha , bhav par saral ho,
shabd ho madhur ki jaise ho amrut,
naa ho katu ki jaise garal ho,
koi bhi ho bahsha bhav par saral ho.”

9 Comments:

  • Bahut hi sundar aur bade samajh ki kavita likhi hai..mujhe bahut pasand aya..aur padhkar acchha laga..

    By Blogger abhay k, at 05 June, 2006  

  • You write so good. please write something related to Petriotism, i m assured, that will be fantastic.

    By Blogger Chetan, at 07 June, 2006  

  • hi rachana,

    Dr.ramados (founder and leader of the PMK) should learn from this post.bcoz this fellow in TN always follows anti hindi policy.

    By Anonymous nabeel, at 10 June, 2006  

  • @ abhay, bahut djanyawad.
    @ chetan, thanks a lot.
    @ nabeel,politicians doesn't learn anything.. we the people have too....

    By Blogger rachana, at 12 June, 2006  

  • nice thought Rachna...

    Woh kahte hai na… saccha dost wahi hai jo bina bataye samaj jaaye…

    One funny quote from Laughter challenge "aji bhaavna o ko samjo"

    By Blogger Dh@v@!, at 12 June, 2006  

  • Bahut achcha likha hai....
    Keep it up ...

    By Anonymous Deepak, at 13 June, 2006  

  • magar sanvednaye samzane ke liye to ek achcha sa dil hi chahiye.”

    Bilkul sahi kaha aapne !

    Klisht aur alankrit bhasha ke shabdo se ahankaar ki bu si aati hai,
    bhavo ki sahajta aur saralta kanhi pichche rah jati hai.”


    Saral bhasha mein gehri baat kah jana apne aap mein ek kala hai. Is kavita mein vyakta ki gayi bhaavnaon se main sahmat hoon.
    Likhte rahein !

    By Blogger Manish, at 17 June, 2006  

  • @dhaval, thanks a lot..
    @deepak,thank you!
    @manish,,bahut bahut dhanyawad..

    By Blogger rachana, at 18 June, 2006  

  • Behad sundar kavita hai, aur yathart poorna bhi. Yoon hum aaj ki peedhi ko dosh dete hain, ki vo apni bhasha nahin apnana chahti , aur khud hi unhein jatiltao mein bandhna chahte hai.Bhasha ka vo roop vyakta kar jo, alankrit to hai par rochak aur sahaj nahin.......

    By Blogger Neelima Arora, at 23 June, 2006  

Post a Comment

<< Home